Drejt përfundimit rruga Berat-Ballaban, vijojnë punimet për asfaltimin dhe sinjalistikën

Punimet në të tre lotet e rrugës Berat-Ballaban kanë hyrë në fazën përmbyllëse.

Pjesa kryesore e ndërhyrjeve për ndërtimin e trupit të rrugës, veprave të artit dhe elementeve të tjera infrastrukturore ka përfunduar, ndërsa aktualisht po punohet për shtresat asfaltike, sinjalistikën dhe barrierat mbrojtëse.

Sipas një postimi të kryeministrit Edi Rama në rrjetet sociale, punimet për realizimin e projektit “Berat-Ballaban” po vijojnë në të tre lotet, duke iu afruar përfundimit të plotë.

Aktualisht ndërhyrjet janë përqendruar në realizimin e shtresave asfaltike, vendosjen e sinjalistikës horizontale dhe vertikale, si dhe instalimin e barrierave metalike mbrojtëse përgjatë rrugës.

Ndërkohë, ka përfunduar pjesa kryesore e punimeve për ndërtimin e trupit të rrugës, veprave të artit dhe elementeve të tjera të infrastrukturës.

Projekti synon përmirësimin e sigurisë dhe funksionalitetit të aksit rrugor për përdoruesit dhe banorët e zonave përreth.

Burimi: Shqiptarja

Më të lexuarat